又一城美食廣場紅豆冰事件(13年5月16日4時30分-5時)
今日下午去中環舊東家見工, 舊東家, 完全裝修過, 真係頂級中環規格既標準, 當然我去個到, 唔係重操故業 (影帝我都勉強做到既)....當欏多一次經驗囉.
見完工, 見有時間, 咪去又一城行囉, , 本來諗住去書局既,貓肚仔..餓呀, 咪去美食廣場間大家樂, 食我既至愛紅豆冰+西多士囉...唉..想行近大玻璃窗到坐, 去到個food court中間個條長走廊前面, 又貓手9腳咁(係呀, 9腳, 十足..我就失左一足.. 得番9腳), 成盤野跌左落地下, 仲要d水(紅豆冰+一杯清水)...濺濕左幾位OL對腳囉...魚爆(雖然我係貓, 但係我真係唔食魚架).......咪勁講sorry 囉.個陣時個腦海一片空白 (平時都係架啦, 不過無一片咁多...). 個幾個女仔話讓個位俾我坐, 咁我話唔駛, 去左佢地前面個張枱坐...諗住, 死啦...無左我杯至愛紅豆冰...諗緊好唔好去買過杯個陣, 突然有個女仔 (係靚版劉若英, 仲要係廋個隻, 唔係. 係秀外慧中. 秀色可餐, 秀...才遇著..冰). 拎杯紅豆冰埋黎, 話請我飲喎..先前講過架啦(我講野, 不嬲都有伏線架啦. 我個腦海空白嘛.....輕輕的佢走了...正如佢輕輕的來...) 我個陣時, 剩係望 著面前杯紅豆冰, 完全忘記同佢講多謝, 又或者欏佢電話號碼依回事 (禮貌黎架嘛, 我不嬲都詩禮全家 , 不過岩岩就失禮全家)...........跟著食完(食左先講嘛)...已經失去左佢既芳縱...(我就慌..中)
實情最近都有好多好人好事..........多謝大家既鼓勵, 免費餐我都食左好多餐啦, 多謝. 打依篇網址, 係想..搵番個位劉若英小姐, 我無惡意架 (妳信唔信??)...係想同妳衷心講句感謝........賞面既, 請妳食番餐飯 (妳可以叫埋妳d朋友, 同埋, 番餐飯嘛.....唐餐免..唔係唔算番餐)....實情都不存厚望, 但係, 自故成功在嘗試嘛, 唔踏出第一步, 永遠都去唔到終點......)..同埋, 我仍然會繼續我既好人好事..........小小意思 ,唔成敬意嘛.......
今日好開心, 好有窩心既感覺 (突然間搵番個心喎......) 依一窩, 真係值.
唔知我依個心願, 可唔可以成真呢 楊過, 都等左小龍女十六年啦...我應該仲有咁長命)